Анайлы

Липет вылысь ваське лымы:
Шунды улын шуна – вия.
Куке но тон верад мыным:
"Озьы лыктэ тулыс, пие".

Куке но тон верад мыным:
"Пинал дырыд ортчоз, пие".
Соку ӧй кылзӥськы тонэ –
Ӧй вала, кызьы будэмме.

Дырлэсь ӧй вала ортчемзэ,
Кисыриен тырме ымныр.
Уд берыктӥ ни азьлозэ,
Тодам лыктэ верам кылыд.

Тодам лыктэ тросэз, анай:
Дышетэмед, юрттӥськемед...
Али гинэ ай мон валай,
Кыӵе секыт вылэм тыныд.

Кыӵе секыт вылэм тыныд,
Куке уг кылзӥсько тонэ,
Кыӵе пуксе вылэм мылкыд,
Кылдэ уг басьто ке санэ.

Нош тон эн сюлмаськы, анай,
Шуг-секытэз ваньмыз ортчиз.
Тыныд кылбур тани гожъяй:
Пиед будӥз ни, визьмаськиз.

Липет вылын лымы шуна,
Вия – пумен уллань ваське.
"Эн висьы ноку но, анай!" –
Тыныд бадӟым пиед сӥзе.

2017

Тӥ пукиськоды Миндэр Левлэн нимлыко вотэсбамаз.

e-mail: levminder@gmail.com