Гужем ӝытъёс

Шунытэсь гужем ӝытъёс,
Туж ӧжыт тӥ, ой, ӧжыт.
Выльысен сӥзьыл вуоз,
Нош луоз кезьыт, кезьыт.

Шундыез ватоз пилем,
Зор вуэн коттоз ваньзэ,
Улонмы ортчоз каллен,
Чидалом кезьыт толзэ.

Шып луоз гудыритэк,
Писпу кылиськон дыре
Тон кошкод ни чидатэк
Кыдёкысь зарезь дуре.

Синъёсад кема учки –
Чагыр зарезьёс выллем –
Пыраклы отчы выи,
Яратон секыт вылэм.

Пумиськом меда куке,
Нош ик адӟиськом меда?
Гужем ӝыт вуиз на ке,
Яратон кылёз на-а?

Шунытэсь гужем ӝытъёс,
Дугдэ, сылэ, возьмалэ!
Мынэсьтым егит лулме
Кезьытлы эн сётэлэ.

2017

Тӥ пукиськоды Миндэр Левлэн нимлыко вотэсбамаз.

e-mail: levminder@gmail.com