Капчи вылэм

Капчи вылэм та улонын
Алдаськыны, мыскылляны,
Асьме востэм калык вылын
Возьдаськытэк кивалтыны.

Каньыл вылэм та дуннеын
Лушкаськыны, пӧяськыны,
Асьме востэм калык вылын
Возьдаськытэк узырмыны.

Тон вералод, озьы ӧвӧл?
Улӥськомы ми адӟымон?
Милям али ваньмыз вӧл-вӧл?
Юнме гинэ та вераськон?

Та улонын ворме сукез:
Кӧттырмостэм но возьыттэм,
Асьме востэм адямиез
Со кекатэ возьдаськытэк.

Кема улом меда тазьы
Кепыраса, кӧшкемаса?
Асьме востэм сяммы пушкы
Возьдаськыса ватскылыса?

2017

Тӥ пукиськоды Миндэр Левлэн нимлыко вотэсбамаз.

e-mail: levminder@gmail.com