Мыным юнме уг верало вылэм:
“Еж улмоез эн дырты веръяны,
Солэн пушкыз ӧвӧл ай вуэмын,
Вылыз гинэ чебер – кисьмам выллем”.
Соку пелям ӧй поны верамзэс,
Кеськи вань дышетӥсьёсы шоры:
“Мон ачим тодо ни мар карыны!
Верам кылды юнме гинэ – мултэс!”
Егит муртэ кыске ваньмыз вылез, –
Кошки, мынӥ, кутӥ но ишкалтӥ,
Пичи гинэ веръяй но сялӟиськи, –
Сыӵе чебер улмо, нош чырс шимес!
Берло лыктэ валан – янгыш лэсьтӥ:
Дыртӥ, ӧй кылзӥськы но сураськи.
Озьы вылэм йыромыны капчи –
Кырыж кошки шонер сюрес вылтӥ.
2017
